Thule útilegan
2009
Ein svaðalegasta útilega norðan fjalla verður haldin föstudaginn 21. ágúst í Þrastalundi.
Dagskráin er þétt pökkuð og hljóðar svona:
· --- Rútur bruna af stað frá MBL á slaginu 17:00
· --- Svellkaldur Thule mun bíða eftir þyrstum nemum og flæða fram undir morgun
· --- BBQ verður í boði fyrir alla þegar hungrið fer að kalla!
· --- Dj og trúbador munu halda uppi taumlausri stemmingu og gleði
· --- Latexhúðaðir leynigestir heimsækja okkur og gera gott kvöld enn betra
· --- Um hádegið daginn eftir munu rúturnar bruna með okkur aftur heim í bæinn.
Fyrir þennan helmassaða pakka borgar þú aðeins 1000 kr íslenskar
Eigum við einhvað að ræða það eða?
Miðasalan hefst á miðvikudaginn upp í Ofanleiti eftir grillveisluna og verður einnig á fimmtudaginn á Höfðabakka og Ofanleiti við matsalinn.
Thule + BBQ + Tónlist + Nýtt fólk = Happy ending
Frá örófi alda hefur útilegan verið skyldumæting fyrir nýnema og það breytist ekki í ár !!!
Þegar maður heyrir orðið Thule þá hugsar maður strax um skemmtun. Það verður engin undantekning á því þegar nemar við Háskólann í Reykjavík koma saman til að fagna því að við munum sitja saman á skólabekk næstu níu mánuðina. Menn segja jafnvel að Þjóðhátíð sé bara upphitun fyrir þessa útilegu ! Þess vegna skulu allir með heilt eða hálft vit taka frá föstudaginn 21.ágúst til að skemmta sér með okkur.
Við munum öll koma til með að hoppa upp í rútu um daginn og fara þangað sem örlögin leiða okkur til að kynnast betur og lenda í ævintýrum.
Eftir nokkur ævintýri og mögulega kossa þá siglum við með rútunni í Þrastalund þar sem aðal giggið fer fram og hittum aðra nemendur í skólanum. Þegar við lendum þar verður búið að láta allt í samband og við hendum upp tjöldunum okkar eða rusalpokum til að gista í. Þegar hungrið fer að kalla þá skellum við okkur meistarakokkarnir á grillin og mettum svanga maga svo mjöðurinn fljóti betur um líkama okkar þar sem Thule bjór mun flæða um allt svæðið fram á morgun.
Leynilegur trúbador mun svo koma til með að stíga á svið og við þenjum raddböndin þangað til söngurinn heyrist í miðbæ Reykjavíkur þar sem fólk á eftir að hlusta á okkur með öfund. DJ Jóhann Valur mun svo nota allann kraftinn í græjunum til að halda okkur dansandi og syngjandi langt fram á morgun með mögnuðustu tónlist samtímans og legend lögum.
Það er líka aldrei að vita nema það verði einhver leynileg atriði sem birtast þarna um kvöldið ;)
Þegar við vöknum svo um morguninn, ef við komum til með að sofna, þá höldum við aftur heim á leið til borgarinnar með þá minningu að þessi útilega muni aldrei koma til með að gleymast.
Þessi útilega kostar aðeins einn skitinn þúsundkall og er það gjöf en ekki gjald fyrir þá skemmtun sem um ræðir. Hlökkum til að sjá ykkur öll í einni bestu útilegu ársins.
Með kveðju
Siggi Rúnar
Ps. Allar nánari tímasetningar verða birtar innan skamms.

HR leggur áherslu á að taka vel á móti nemendum sínum. Á NÝNEMADÖGUM HR er farið yfir tölvu- og upplýsingakerfi skólans, lykilatriði til árangurs í háskólanámi og ýmis konar þjónusta sem skólinn býður nemendum er kynnt. Það er mjög mikilvægt að allir nýnemar komi á þessar kynningar. Einnig eru NÝNEMADAGAR HR kjörið tækifæri til að kynnast væntanlegum samnemendum.
Dagskrá:
18. ágúst
8.30-9.00 Morgunmatur í boði Háskólans í Reykjavík
9.00-12.00 Kynningar á þjónustu við nemendur og akademískar deildir
19. ágúst
9.00-12.00 Kynningar á upplýsingakerfi, námstækni í háskóla o.fl.
12.00-13.00 Grillveisla í boði nemendafélags HR
Móttaka er fyrir nemendur í HMV (viðskiptafræði og kerfisfræði) miðvikudaginn 19. ágúst kl 16.20-19.00.
Móttaka fyrir meistaranema er 19. ágúst kl 13.00-16.00.
GÓÐUR gangur er í framkvæmdum við nýbyggingu Háskólans í Reykjavík við Öskjuhlíð og er 1. áfangi byggingarinnar nú fokheldur. Sá hluti byggingarinnar er á þremur hæðum og verður tekin í gagnið um næstu áramót. Þar verður aðsetur tækni- og verkfræðideildar, tölvunarfræðideildar sem og viðskiptadeildar skólans. Þessi fyrsti áfangi liggur næst Öskjuhlíð og er alls 24 þúsund fermetrar. Framkvæmdir við annan áfanga eru skemmra á veg komnar, það eru 6 þúsund fermetra byggingar þar sem háskólatorg, bókasafn og lagadeild og kennslu- og lýðheilsudeild verða til húsa.
Ístak er aðalverktaki við þessar framkvæmdir, en fjöldi undirverktaka sinnir sérhæfðari þáttum. „Á góðum degi eru hér að störfum einhversstaðar á milli 200 til 300 manns. Þetta er gríðarmikil framkvæmd og sú stærsta í gangi á höfuðborgarsvæðinu um þessar mundir.
Eignarhaldsfélagið Fasteign, félag í eigu Íslandsbanka, nokkurra sveitarfélag og Háskólans í Reykjavík, byggir húsið og mun eiga það og reka í framtíðinni og leigja til háskólans. Áætlaður byggingakostnaður er liðlega 10 milljarðar króna, en verður væntanlega eitthvað hærri vegna meiri verðbólgu og fjármagnskostnaðar. „Áður en verkið hófst var
Eignarhaldsfélagið Fasteign búið að fá vilyrði fyrir allri fjármögnun
Framkvæmdir við bygginguna hófust í upphafi síðasta árs og var þá miðað við að fyrsti áfanginn yrði tilbúinn nú á haustdögum. Vegna efnahagsástands og fleiri þátta var hins vegar ákveðið að hægja aðeins á verkhraða og þess sem byggingin er nokkuð flóknari en gert var ráð fyrir. Það ræður því, að áðurnefndrar deildir skólans flytji í nýbygginguna um áramótin, en ekki nú á haustdögum eins og í fyrstu var áætlað. Einnig var ákveðið að frestað um óákveðin tíma að byggja tvær tengingibyggingar við skólann, þar sem til stóð að yrðu m.a. bókasafn og mötuneyti samtals um 6.000 fermetrar Við verðum eins og aðrir að aðlaga okkur að þessu ástandi.
„Á byggingatímanum höfum við sveigt þau áform sem lagt var upp með svolítið til. Í upphafi stóð meðal annars til að flestir kennarar okkar hefðu einkaskrifstofur, en niðurstaðan er sú að flestir þeirra fá starfsaðstöðu í opnu rými. Sama má segja um bókasafnið og mötuneytið sem verða í bráðabirgðaaðstöðu að minnsta kosti fyrstu árin. Með þessu næst mun betri nýting á húsnæði en ella væri og starfsmenn hafa sýnt þessu mikinn skilning. Lögð er áhersla á að þetta bitni sem minnst á nemendum. Við hlið háskólabyggingarinnar rís Kaffi Nauthóll þar sem verður bæði kaffihús og veitingasalur. Þar verður í tengslum við skólann funda- og veitingaaðstaða, en jafnframt öllum opin. Sá staður verður rekin af dótturfélagi Múlakaffi, sama aðila og hefur undanfarnar vikur rekið mötuneyti HR undir nafninu Málið.
Sem fyrr segir flytjast þrjár deildir Háskólans í Reykjavík í skólahúsið nýja við Öskjuhlíðina um áramótin næstu. Gert er ráð fyrir að nemendur deildanna verði þá um 2.300 og kennarar um 200. Með þessu flytur skólinn starfsemi sína af Höfðabakka og úr gamla Morgunblaðshúsinu í Kringlunni. Þegar fullbyggt er við Öskjuhlíð flytja lagadeild, og kennslu- og lýðheilsudeild, Opni háskólinn og MBA námið þangað - sem og öll önnur starfsemi HR – en skráðir nemendur í dag eru liðlega 3.000 og fastráðnir kennarar og aðrir starfsmenn um 250. Nýbyggingin opnar hins vegar möguleika á frekari vexti og áætlanir gera ráð fyrir um 4.000 nemendum þar á næstu árum. Okkar markmið er hins vegar ekki stærð heldur gæði. Sameiningar háskóla kunna að breyta einhverju í framtíðinni en þá frekar í þá veru að auka mikilvægi þessarar nýbyggingar og opna möguleika á að stækka hana enn frekar.
„Hér erum við að byggja einn best búna háskóla í Evrópu,“ segir Þorkell Sigurlaugsson. „Gæði kennslu- og rannsókna skiptir auðvitað mestu um hvernig til tekst í háskólaskólastarfi, en húsnæðið sem er umgjörð þessa alls hefur þó alltaf mikið að segja. Kennslu- og rannsóknaaðstaða er fyrsta flokks. Allar stofur og fyrirlestrasalir, sem eru yfir 40 talsins, eru bjartir og rúmgóðir án þess þó að við ætlum að kenna í alltof stórum hópum. Þegar húsið er fullbyggt og öll starfsemin komin á einn stað vænti ég þess að við getum í ríkari mæli farið út í kennslu þvert á deildir og fræðasvið, sem er í samræmi við stefnu skólans.” Gott menntakerfi og almennt góð menntun þjóðarinnar er eitt af því sem á eftir að koma okkur út úr kreppunni hraðar en aðar þjóðir, það er okkar framtíðarsýn og markmið, sagði Þorkell að lokum.
Vonandi mun því ekkert trufla áform okkar um flutninga um næstu áramót, en vissulega búa flestir þar á meðal Háskólinn i Reykjavík við óvissu á þessum tímum væntanlegs niðurskurðar og skattahækkana.
Frétt tekin af www.studentafelag.is


©2010 Technis, félag tækni- og iðnfræðinema við Háskólann í Reykjavík
Menntavegi 1, 101 Reykjavík
technis (at) ru.is





