Þjófar á göngum Háskólans í Reykjavík á Höfðabakka
Um helgina, nánar tiltekið að morgni laugardags 26.september, var gerð tilraun til þess að ræna flatskjánum okkar sem við eigum og er staðsettur í sófahorninu. En það sem þjófarnir vissu ekki er að við erum með öflugt teymi löggæslumanna á göngum skólans sem taka á svona málum. Í þessu tilfellu voru það löggæslumennirnir Sir. Gunnlaugur „Terminator“ og Sir. Sigurpáll „Seagal“ sem stóðu þjófana að verki.
Eins og þið sjáið á myndunum hér að neðan sem við náðum af strákunum rétt eftir atburðinn þá voru þeir vel tækjum búnir til að elta þjófana á farartæki sínu.
Mikill viðbúnaður var hjá þeim meðan á eltingaleiknum stóð en á endanum náðu þeir að handsama þjófana og gerðu svokallaða borgaralega handtöku á þeim. Því miður náðu þjófarnir að sleppa á endanum en þeir náðu bílnúmerinu og létu aðstoðarmenn þeirra í lögreglunni vita af þessu.
Við þökkum löggæslumönnum okkar fyrir vel unnin verk og heiðrum þá á göngum skólans þegar við sjáum þá bregða fyrir.
Þetta er góð áminning til okkar sem erum í þessu húsnæði að vera vakandi fyrir utanaðkomandi fólki í byggingunni. Um þessar mundir er mikill faraldur af innbrotum um allt land og enginn er óhultur.
-
Myndaalbúm
-
Athugasemdir
-
Spjalliđ
){kind=small}
){kind=small}
){kind=small}
