Hönnunarkeppni

Nú er komið að því að við erum orðin þreytt á gamla Technis logoinu og ætlum því að breyta.

Við höfum því ákveðið að halda hönnunarkeppni fyrir nýtt logo.

Logoið mun verða notað sem aðal merki Technis og mun birtast á öllu því sem tengist Technis.

Vegleg verðlaun eru í boði fyrir vinningshafa. Ekkert grín !

Ef þú lumar á góðri hönnun, sendu hana þá inn á PDF formi á technis@ru.is eigi síðar en 31.desember 2009.

Öllum er boðið að taka þátt, þ.e.a.s. fólk þarf ekki að vera í nemendafélaginu. Einnig er fólki utan skólans boðið að taka þátt.

Hægt er að senda inn ótakmarkaðan fjölda tillaga. Eina skilyrðið er að nafn Technis sé mjög skýrt í logoinu.

Ef einhverjar spurningar vakna, ekki hika við að senda okkur línu og við svörum um hæl.

Sigurvegari verður kynntur og nýja logoið afhjúpað í byrjun næstu annar.

Föstudaginn 23 október verður farið í Atlantsolíu með Lögréttu og Atlas. Mæting er stundvíslega klukkan 16:50 við Lónsbraut 2 í Hafnarfirði. Að því loknu kemur rúta sem ferjar okkur á Hverfisbarinn þar sem fjörið heldur áfram. 

Skráning hefst á morgun, miðvikudaginn 21. okt., klukkan 13:00 og einungis eru 20 sæti í boði fyrir Technis.

Minni enn og aftur á að það er skylda að skrá sig úr ferð ef maður kemst ekki.

Föstudaginn 16.október munum við fara í vísindaferð í Ístak !

Við ætlum að byrja á því að hittast í nýbyggingu HR kl 16.00 og mun kynningin byrja á slaginu 16.10. Því er mjög mikilvægt að mæta á réttum tíma ! Við munum skottast um vinnustaðinn og fá að sjá hvernig skólinn mun líta út þegar hann er tilbúinn. Eftir skoðunarferðina brunum við beint í höfuðstöðvar Ístak að Engjateig 7 og munum við fá kynning á fyrirtækinu. 

Ekki verður rúta úr þessari vísindaferð en þeim sem langar að halda áfram að skemmta sér er bent á að koma á Hressó með okkur þar sem verðið á bjórnum er svo gott þar. Munið eftir Technis kortunum ykkar til að fá afsláttinn á Hressó og Bjarna Fel.

Allir eru rosalega spenntir að sjá hvernig þetta mun allt koma til með að líta út og því er um að gera að vera tilbúinn á skráningartakkanum í hádeginu á slaginu kl: 12.00 þriðjudaginn 13.október á www.techn.is .

Ferðin mun bókað fyllast á nokkrum mínútum þar sem mikill áhugi er fyrir þessari ferð !!

Minnum aftur á mikilvægi þess að skrá sig úr ferðunum ef maður kemst ekki. Nú þegar eru komnir nokkrir aðilar á "svarta listann" og eiga þeir því ekki kost á því að koma í næstu 2 ferðir Technis.